Cori

Cori veloce sto treno
no se ferma in nisuna stasion
e anca se mi me remeno
nol frena, no ghe faso pasion.

Cori sto mona de treno
e mi vardo le robe che scori
però vedo sempre de meno
o me par che se perdi i colori.

Cori, cori sto maledeto
el ga furia di farme rivar
no me lasa per farme dispeto
gnanca el tempo de respirar.

Cori le do sine de soto
anca lore me vedi pasar
e però el suo destin galeoto
ghe comanda de smentegar.

Coro col treno anca mi
fin che rivo ancora star svejo
e co sarà questo viaggio finì
sognarò de andar a star mejo.

.

.